Katuŋ nɛ edaŋkare nɛ adrasheŋ bee bra abarso. Anye bee kuŋ anyebe edaŋkare, a chɛ anyebe durnyaŋ be kanaŋgboŋ ere to, n shin naa leŋ nkilgi to ashi Ngbanya be efuliso nɛ Ghana to.
"Kekuŋ nɛ kemaŋkura Ngbanya be ataada a jo kamantoebi."
Anye yɛrda fanɛ Mbronito be keba wɔ a sa maŋ barga epe. Kanase ere bee shuŋ nna fanɛ daŋkare be nkpa be ebu—a bra ngbar nɛ adrasheŋ be kechɛso be kenite nɛnɛ, nɛ Ngbanya nɛ ba kulti durnyaŋ be efuliebi be kɔnɔkoŋwule.
Kebuwi Ngbanya anishi, a sa bumo eleŋ, nɛ kekata Ngbanya be edaŋkare tɔgmase a bra kenunsa, kemaŋkura, nɛ kebulɔ kabii, efuliebi be kɔnɔkoŋwule, kekuŋ be adabi so a ta a chɛso.
Kekuŋ nɛ kemaŋkura Ngbanya be ataada a jo kamantoebi
Ngbanya nɛ bu wɔ Mbronito na teŋi bumobe kechɛto be enɔ n sa Busunuebi amanshɛrbi beeŋ wɔrɔ GH₵7,500 nɛ bu ta n chɛto a keni efuli na be alemfia be kebawɔtɔ so. Kechɛto ere bee ŋini Busunu be Alemfia be lɔkɔ be kefara, kade be alemfia be amanshɛrbi nɛ bu fara kumo nɛ bu ta a keni Busunu be baasa be alemfia be asheŋtirso so.
Ngbanya nɛ bu wɔ Mbronito na bee sha kamanebi be kewɔrɔ eleŋ nna m bulɔ kasɔbii be amanshɛrbi be kechɛto, sukuruto be asɔ be kelento, nɛ kasɔbii be asɔ ashi Ngbanya be daŋkare be efuliana kikɛ so. M bulɔ le be kawɔrɔ ere so, anye bee chɛ bebiipo nɛ bu daga kechɛto to nɛ kasɔbii be mboŋ saŋɛ na so kebia kikɛ beeŋ chɛ kasɔbii lɛla.
Ashi kɔnɔkoŋwule nɛ kakɛ be kuyoyul to, Ngbanya nɛ bu wɔ Mbronito na bee sa asɔ dagaso fanɛ ajibi, achɛtosɔ, nɛ kebawɔtɔ lɛla be kechɛto a sa nnaŋ Ngbanya be efuliso ashi ekishi be kufol chembi na to. Le be kawɔrɔ ere bee shin nna nɛ kade be bepɔsepo nɛ benimu bee nyɛ kechɛto ashi saŋɛ chembi ere kikɛ to.
Katuŋ na buwi nna n sa Ngbanya kama ashi Mbronito.
Fee sha kelurito, malga anye kutɔ ashi WhatsApp so nko tere anye kebor ere so: